WFP Ni KIO Sinpraw Ginwang Ginjaw Hpyen Yen Dabang Ni De Lu Sha Garum.
- Category: Shiga
- Published Date
- Hits: 792
2012 June (12) ya shani hkying (11:40)am aten hta UN garum ningtum hpung WFP (United Nation World Food Program) ni garum rai htaw mawdaw ni hte KIO Sinpraw Ginwang Ginjaw Lana Zup Ja, Hpyen yen Dabang de malu masha sa garum na matu du shang wa ai hpe chye lu ai.
UN garum ningtum hpung ni shana hkying (2:00)pm aten kaw nna Lana Zup Ja hpyen yen dabang hta hpyen yen mung shawa ni hpe lu sha garan jaw ya ai, garan jaw ai lu sha ni gaw N-gu, Sau, Jum hte shapre ni re hpe chye lu ai.
Ndai garum ningtum hpung ni gaw matut nna Dum Buk Dabang de bai matut garan mat wa na re lam chye lu ai.
