Chyawm sharai ga myu sha laika

Mungkan de shi a madang hte maren, woi sa wa ra nga ai Anhte Jinhpaw Wunpawng Laili Laika hpe, myit dum ai hku hkrup mara mi gyin shalat ka shajang nga ai hpe mu mada lu ai majaw, jai lang ai lam, akyu jashawn ai lam shai shajang nga ai hpe mu mada lu ai hte lu ai hte, langai sha tai wa n?na madang grau n?na tsaw wa ai myu sha lai ka byin tai wa na myit mada n?ngai.

Dai re majaw, Amyu sha Laili Laika hpe sha gaw, byin mai ai daram shakut n?na, grau jaw kaja ai laika byin tai wa hkra shada matut mahkai jahkrum jahkrup nna ka lang sa wa ga ngu saw lajin dat ai. Jinghpaw laika hku ka da ai laika buk, shi laika, shanan, ni law law hpe mu hti yu ai da ram yu ga nga yang, langai hte langai ka lang ai lam, akyu jashawn ai lam grai shai nga ai hpe mu mada lu ai.

Ndai zawn langai hte langai, hkam la ai hku ka shajang ai gaw mang hkang n re, rai tim mung lani mi amyu sha ni hpe sakse tai ya nga na, lam shawng tai ya nga na, Mungkan hpe woi ka-up wa na laili laika re majaw, matu n hpang n chye ai hku n byin mat wa u ga, chyam myit, chyawm shatsup na ra nga ai. Ndai zawn, kadai mung kadai chye na ai hku woi gin shalat lang nga ai gaw Amyu sha uhpung uhpawng hpe laili laika hte wuhpawng woi garan nga ai lachyum pru nga mali ai hpe mu mada ai majaw, n jaw ai, n rai na re, grau kaja ai de du wa lu na hpe myit mada karum hpyi dat ai lam she rai nga ai. Kadai mung kadai wuhpawng hku gin shalat jai lang nga ai hpe ga shadawn yu ga nga yang; Nawng Nang Chyum Hkawlik Kutkai, Chyum Hkawlik, Yanggung MIT, MICT

Wuupawng Laili Laika Hpung hte kaga wuhpung zawn re ai ni gaw, Jinghpaw laika hpe kadai mung kadai chye ai hku tinang tinang shingwang kata e woi gin shalat lang nga ma ai, jai lang ai lam n bung nga ai, n?dai ni yawng gaw, madang tsaw ai kaw na madang garan ginghka kau ai lam de du shangun nga ai.

Dai majaw, Jinghpaw Laili Laika Kanu ni hpe shalat da ya, Chyum Laika hpe ga gale da ya ai Sara Kaba Dr. Ola Hanson gale da ya sai, Chyoi pra ai Chyum laika hpe n?pawt tawn n?na, lani mi Jinhpaw Laika Hkawlik Jawng ngu ai de du wa lu hkra chyawm tam sawk sharai sa wa ga ngu, ga saw lajin dat n ngai law.

L.Th. III
KTC Kutkai
Shan State, Myenmar

Source; The Kachin Times, April 2005

?

• < Prev
• Next >