Lagaw hpyendap maumwi.

914 [MILITRY HISTORIES.] 85th. INFANTARV BURMA.
Lagaw hpyendap maumwi.

(1) Da ndai gaw Jinghpaw amyu masha ni hpe Inglik hkawhkam empaiya asuya a arawng aya lu ai shanhpraw du ni a npu e kangka re ai lam sakse law law lu sai rai nna, Sinpraw Mungdan a kata e nga nga ai Jinghpaw ni hpe amyu kaji langai mi rai nga ma timung, share shagan ai hta kangka ai hte dinghpring ai amyu langai mi rai ma ai ngu nna, [BURMA MILITARYPOLICE, BHAMO] Manmaw military hpyen dap kaw shawng shang ai Jinghpaw ma ni nkau mi hpe (Army) Hkawhkam lagaw hpyen dap hpung hta bai shang lawm bang wa na matu, 1914 ning February shata hta. Major EBURD hte Lieutenant LOVIS, ndai shanhpraw Du yan hte rau Jinghpaw ma ni Manmaw kaw nna Maymyo ga de htawt hkrat mat wa sai. Dai shaloi Jinghpaw ma ni 230 rai ma ai hta, Du gaw Sub Jinghpaw Gam hte Jemadar Hpau Lu La, lawm ma ai. Maymyo ga du ai shaloi 1/10 th Gurkha Rifles hpyen dap hta hkring lawm ma ai. Dai hpang gade nna yang, dai -Jinghpaw ma ni hpe "A Coy Kachin" ngu nna shamying sai.

1916 ning February shata hta dai A Coy hpe "85th Infantrary Burma" ngu nna bai shamying dat sai. dai hpang sinna ga de majan sa na matu, masha bai shalaw ra ai majaw, Recruit (rangrut) lahkawn jat nhtawm dai Coy ni hpe Mandalay de Burma Military Police, hpyen dap de bai gahkyin kau dat sai. Shing rai gahkyin kau ai hpang dai Jinghpaw Company langai mi hpe 1917 ning July shata 30 ya shani Myen mung kaw nna sinna ga de rawt sa wa shangun sai. Sinna ga MESOPOTAMIA ga de 1917 ning August shata 15 ya shani du sai.

Dai A Coy. Jinghpaw ni a malai, dai shara hta, Burma Pioneer Coy kaw na Coy. 1 mi hpe 1917 ning August shata hta, Major HARVEY KELLY dai (Coy) kapani hpe (Command ) up hkang na matu, Burma Pioneer Coy ni hte rau Maymyo de bai htawt lung wa sai.

Dai Coy ni mung 1/l0th Gurkha Rifles dap e bai wa hkring ma ai, bai dai Maymyo de htawt mat wa ai Mandalay na Burma Pioneer dap ni a shara hta gaw, PANJABI Durwan tawn da ma ai.

Dai hpang dai Coy. hpe Major D.N. STUART bai galai up hkang ai hte "l/70th Burma Rifles" ngu nna mying bai shamying la nhtawm, 1918 ning May shata 12 ya shani, EGYPT, PALESTINE, Mung na majan hta rim la lu ai bawng masha ni hpe Guard santari zawng na matu shaga la ma ai.

(2) 2/70th Burma Rifles hpyen dap gaw. 1917 ning hta sinna ga de majan sa mat wa ai hpang ngam nga ai masha marai 29 sha re hpe Major H. M. RIGG duwa gaw 1917 ning December shata hta 2/70th Burma Rifles ngu nna shamying dat sai.

Dai hpang 1918 ning e Recruit lahkawn jat nhtawm Coy. langai mi jahpring la nna India ga SECUNDERABAD de htawt mat wa sai, dai shaloi Agyi Du nlaw ai majaw, [British N.C.Os.] shan hpraw Agyi Du ni grai garum shingtau la ma ai.

85th Infantry Burma Rifles hpyen dap B Coy. gaw Jinghpaw hte Hkang, (Kachins& Chins) pawng kayau kau sai, dai dap hpe (Battalion)Batelen jahpring la nhtawm 1921 ning October shata kaw nna 1922 ning January shata du hkra, [MOPLAH] "Malabah" ngu ai majan shara de nga ma ai dai dap ni "Malabah" majan sa wa ai nhtoi gaw 1921 ning April shata 23 ya shani re. 2/70th Burma Rifles hpyen dap gaw, Jinghpaw hte Hkang kayau ai dap rai nga ai. Dai dap hpe 1918 ning April shata kaw nna, 5/70th Burma Rifles ngu nna bai shamying kau sai, 1921 ning October shata hta, 5/70th Burma Rifles dap hpe 3/70th Kachin Rifles ngu nna bai shamying sai,dai shaloi Meiktila e nga ai re.
5/70th Burma Rifles dap na Jinghpaw hte Hkang lawm ai ni hpe gaw, TRAINING BATTALION THE BURMA RIFLES dap ngu nna bai shamying kau sai.

Myen mung hta nga ai lagaw hpyen dap ni hpe nambat 20 jaw na matu Indian Army, Headquarter de nna, 1922 ning December shata hta aming laika du ai hte maren, Myen mung e nga ai lagaw hpyen dap nj yawng hpe 20th Burma Rilles nga nna galai shamying kau sai Dai shani kaw nna 5/'70th Burma Rifles lagaw hpyen dap hpe gaw, Nambat 10th Training Battalion ngu nna, bai gram lajang ai hte mying galai kau sai.

Dai shata kaw nna Nambat 1 dap ngu na hpe gaw, 1/20th Burma Rifles ngu nna shamying sai, 2 dap hpe gaw 2/20th Burma Rifles ngu nna shamying sai, dai hte maren 3/20th Burma Rifles ngu nambat hku hkan nna shamying wa masai rai.

1925 ning kaw nna 1929 ning lapran Myen mung hta lagaw hpyen dap a matu, Jinghpaw, Hkang, Kayin, rangrut lahkawn shalaw jat la na matu, rangrut grai ra ai hte maren bumga de Recruting dat nna lahkawn sai, dai shaloi jat ra ai rangrut gaw, Jinghpaw latsa hta na 50, Hkang lalsa na 25, Kayin latsa hta na 25. hku Comany langai mi hta Jinghpaw hpe palatun lahkawng tawn da nhtawm, kaga Hkang hte Kayin ni hpe gaw Coy mi hta Palatun langai ngai jahpring tawn da sai.

1926-30 ning du hkra Jinghpaw, Hkang, Kayin, rangrut hpe dap shagu hta ra ai daram Trainning Bn dap de lahkawn shinggyin nhtawm shata 9 hta sanat gap ngut nhtawm, shata 3 hta dagam ngut ai hte sharin ra ai lam (Guard Duties) ni shang ngut ai hpang, shata 11 ngu na hta dap tingsa Active Bn. de htawt wa na ahkang nga nga ai.

1930 ning hta Tharrawaddy ginwang hta Myen masha ni, Sir. J. A. MAUNG GYI. M.A. hkring mi na Myen mung a hkawhkam malai, galaw ai hpe n ra ai majaw, Sara San ngu ai wa woi gumlau rawt ma ai. Sanat laknak, ri nhtu hte, Inglik Asuya ni hpe gasat anin bang wa ma ai rai nna, 2/20th Burma Rifles, 3/20th Burma Rifles, 17th Dogra, The Burma Military Police B.F.F.dap re ai ni,dai Myen gumlau gasat ma ai. Dai shaloi Myen mung hpyen dap the kaga dap ni hpe George V Hkawhkam Baw kap ai gumhpraw dazik gamjaw sai.

Dai shaloi Myen mung lagaw hpyen dap na ( N.C.O's) agyi sarzen lahkawng mying kaja dazik I.D.S.M.Indian Distingueshed Service Medal ngu ai Gumhpraw lap 8/- hpe kashu kasha prat 3 tup lu sha matut nga ai baw dazik kumhpa hpe, "No 21733 Naik Lahtaw Naw 3/20th B.R.," "No. 9435 Havilder Mong Hkakr, 2/20th V.R." bai mying kaja ai arawng aya lekmat hpe H..E. Commanding in-chief Du kaba gaw "No. 20928 Havilder N-gyem Tu." "No. 21380 Naik Shadau La" yan hpe mung, prat janat Inglik Hkawhkam ni a laika buk hta Jinghpaw ni a share shagan ai masat kumhpa jaw ai hta arawng kaba lu la ma ai.

Dai Burma rebellion ngu ai Myen gumlau gaw, 1932 ning hta sim mat sai. 1/20th Burma Rifles dap ni gaw dai aten hta Malaya State Taiping ga e sa nga ang mat ai majaw. Dai Myen gumlau gasat ai hta n lawm mat ai rai nna, hkawhkam a masat majan dazik kumhpa hpe n lu la masai.

1933-34 ning hta Sam rnung shinggan Wa ga de Wa masha ni loi mi shuk wa ai gumlau rawt wa ai majaw Myen mung lagaw hpyen dap ni, Bhamo Bn BFF,Lashio Bn BFF, l-20th Burma Rifles. Myawk d;ip [Mountain Battary] hte Burma.Boundary Commission Escouts, hpung ni rai nna Wa ga de Lashio kaw nna kalam rawt lung wa ai, Sam mung hte Wa ga Jarit hku nna hkawm wa ai shaloi Wa masha ni hte loi li gap hkat ma ai rai nna Medal jaw na hkyen ma ai, rai timung Mungkan shuk shak matut mat wa sai majaw, English asuya ni dai Wa ga gumlau gasat hpyen hpung ni hpe medal dazik dakhama n jaw masai.

JINGHPAW HPYENDAP LABAU LAIKA
PENSION HPUNG BHAMO 1954

• < Prev
• Next >