FOOTBALL

Myitkyina Ginwang Ramma Gawdin Ninggang Kashun Poi Hpang Sai

Jinghpaw Wunpawng Hkalup Hpung Ginjaw, Myitkyina Ginwang a Ramma dap kawn woi awn let kanawn mazum gawdin htawng shingjawng ai lam hpe August 20, 2007 ya shana maga 2:00 PM kaw hpaw hpang sai lam chye lu ai

SINPRAW GINWANG GINJAW HTA (6) LANG NA JAWNGMA WUNZUP GINSUP POI GALAW

2006 ning December praw 4 kawn 17 ya shani du hkra Sinpraw Ginwang Ginjaw, Mai Ja Yang Lahta Tsang jawng wang hta Sinpraw Ginwang Ginjaw a (6) lang na Jawngma Wunzup Ginsup Poi galaw ai lam chye lu ai.

K.I.O SHARE SHAGAN MASAT NINGHTOI HPE MYIT DUM AI NINGGAWN DAJU KOMITI A GAW DIN GINSUP HPAW POI

Laiza; July 25,2006 ya shani Laiza Muklum Zup Aung Gawdin Ginsup Pa hta K.I.O Share Shagan Masat Ninghtoi hpe myit dum ai Ninggawn Daju Komiti a gawdin ginsup shing jawng hpaw poi hpe shana daw 2:30 aten hta galaw lai wa sai lam na chye lu ai.

(45) ning hpring K.I.O shangai n’htoi hpe hkap tau shagrau ai Ninggawn Daju Komiti Tingyang Up a gawdin ninggang ginsup shingjawng poi.

Laiza; 2005 ning October praw 10 ya shani kaw nna October 24 ya shani du hkra Laiza Muklum mare, Zup Awng Simsa Gawdin Ginsup Pa hta (45) ning hpring K.I.O shangai n’htoi hpe hkap tau shagrau ai Ninggawn Daju Komiti Tingyang Up a gawdin ninggang ginsup shingjawng poi hpe galaw na hpe chye lu ai.

Myitkyina Ginwang Hpung Lawk Gawdin Ginsup hpaw poi

Myitkyina Ginwang Hpung Lawk Gawdin Ginsup poi hpe 2005 ning September 5, 2005 ya hkyin 3:30 pm aten hta Myitkyina Ginwang Hpung Lawk 57 nga ai hta na Ginwang 14 shanglawm let hpaw poi hpe galaw la lu sai hpe chye lu ai.

Ndai Gawdin ginsup hpaw poi hta Myitkyina Ginwang Ramma hpaawn Sara Tang Gun n’gun jaw mungga tsun ai gaw Buga Hpung na Ramma shada da gahkyin gumdin lu na matu hte ginsup hta ningtawn ai ramma ni paw pru wa hkra yaw shada ai lam nga ai ngu tsun ai. Matut nna Shadang Naw Ja kaw nna gawdin ginsup hpaw poi ga shaka hpe hti dan ai.

Mai Ja Yang Ramma hte Sammung Wunpawng Ramma ginsup shingjawng poi

KNET January 15,2004

January 14 ya shani hta Wunpawng Mungdan Shanglawt Hpung, Singpraw Ginwang Ginjaw kaw nna woi awn galaw ai gawdin hte ta din ginsup shingjawng poi hpe Mai Ja Yang lahta tsang jawng gawdin ginsup pa hta Mai Ja Yang ramma (M.J.Y) hte Kachin Substate Wunpawng Ramma (K.S.Y) gawdin hte ta din ginsup shingjawng poi hpe galaw lai wa sai.
Jahpawt maga hta M.J.Y hte K.S.Y num sha ni a tadin hpe shawng shing jawng ai. Ndai ta din shing jawng poi hta K.S.Y gaw M.J.Y. hpe 15-5 hte dang kau ai lam hpe chye lu ai. Shani maga hta M.J.Y hte K.S.Y la kasha ni a gawdin hpe shing jawng ai.Shing jawng poi hpang nna minit 20 hta K.S.Y gawdin ginsup hpung ni M.J.Y maga de gawdin langai lu htawng bang nna minit 30 hta gawdin langai hpe matut manoi bang la lu ma ai. Shing jawng poi ngut ai hpang K.S.Y gaw M.J.Y hpe 2:0 hte dang la lu ai hpe chye lu ai.
Kumhpa shagrau ai lam hpe shana maga Marai n-nan yu ngwi pinra hta shagrau ma ai. Gawdin hta dang la lu ai K.S.Y ni hpe Singpraw Ginjaw Amu madu kaw nna shagrau kumhpa hpe shalai jaw ya ai. Tadin hta dang lu ai K.S.Y num sha ni hpe Du kaba OBC kaw nna shagrau kumhpa hpe shalai jaw ya ai. Bai nna M.J.Y. gawdin hte tadin ninghkring ni hpe mung Miwa sutdu Wang kya Htai kaw nna shagrau kum hpa hpe shalai jaw ai lam chye lu ai.

See more pictures

Ching Mai gawdin ginsup poi hta WCC ni Champions lu.

Wunpawng Christian Church(WCC) ni gawdin ginsup ai kaw Champions lu, No.2 gaw Korea (grace) Church ni lu ai. dai hta lai wa sai laban bat 24 ya hta gaw Sara Bobby jawng ma ni gaw Rawang ramma hpung ni hpe 4-1 hte dang da n'na Korea(grace) Church ni gaw anhte W.C.C ni hpe 3-1 hte dang ai hku re.bai laban bat 31 ya hta gaw Sara Bobby jawng ma hpung ni gaw Korea (grace) chuch ni hpe 1-0 hte dang n'na W.C.C gawdin hpung ni gaw Lisu Bonio gawdin hpung ni hpe 7-1 hte dang ai hku re. n'dai ginsup poi hta a mat hte la ai majaw dai hta a mat hpe bai yu ai shaloi anhte W.C.C hpung ni grau law ai majaw No.1 hte gawdin n'gang hpe lu ai hku re.n'dai n'gang hpe gaw shaning shagu gashun n'na masum ning tup lu ai hpung rai yang dai n'gang hpe lu madu na hku re.dai ngut yang she n'gang n'nan langai bai shadun na bai gashun na hku re.
dai ginsup ngut ai shani jang pat poi ma kalang ta galaw n'na dai shana hta Sara Bobby a jawng wang hta concert kasha galaw ai hte shangwi shapyaw let yang hkum hkum ra ra hte wu wu di di let shangut la lu sai hku re.n'dai gawdin ginsup ai hpe gaw shaning shagu galaw mat wa n'na kaga ginsup lam amyu myu mung naw shalawm mat wa na hku re.

Shagawng Brang

WCC gawdin hpung hte Korea (Grace) gawdin hpung ni ta gindun let gawdin dang lu.

     Lai wa sai laban bat (10) ya shani hta Chiang Mai Wunpawng Ramma Hpung ni a gawdin ginsup poi hta sara Bobby jawng ma hpung ni gaw Lisu naw ku hpung ni hpe 2 -1 hte dang da n'na Korea(Grace) naw ku hpung ni gaw R.C.M rawang ramma hpng ni hpe 2 -1 hte dang mat wa ai. N dai bat hta W.C.C hpung ni gaw hkring sa ai.
     N'dai laban bat(17) ya hta gaw W.C.C (Wunpawng Christian Church) naw ku hpung ni R.C.M (Rawang ramma hpung) ni hpe 6-1 hte dang da n'na Korea (Ggrace) naw ku hpung ni gaw Lisu naw ku hpung ni hpe 7-1 hte dang da sai hku re.n'dai bat hta sara Bobby jawng ma hpung ni hkring sa ai.
     Du na ra ai laban bat 24 ya hta gaw anhte W.C.C hpung ni hte Korea(Grace) naw ku hpung ni hpe hkrum n'na R.C.M rawang ramma hpung ni hte sara Bobby jawng ma hpung ni bai hkrum na lam hpe chye lu ai.

Shagawng Brang

Chiang Mai nga Wunpawng Ramma Gawdin ginsup poi.

2004 ning Octobert shata praw 3 ya shani hta Chaing Mai mare hta shanu nga ai Wunpawng Ramma ni myit hkrum kahking gumdin wa na matu Gawdin ginsup poi galaw lu ai hpe chye lu ai. Ndai gaw din ginsup poi hta Chiang Mai mare hta shanu nga ai Wunpawng amyu nawku hpung (4) hte Sara Boby Jawng ma ni rai nga ma ai. Dai ni na gawdin ginsup poi Oct. (3) hta Wunpawng Christian Chruch ni Sara Boby jawng ma hpung ni hpe 2-1 hte dang kau da ai. Bai Rawang Ramma Hpung ni gaw Lisu Ramma Hpung ni hpe 4-1 hte dang kau lu ai hpe chye lu ai. Ndai gaw din poi hta gaw Gawdin ginsup hpung shagu hkrum hkat nhtawm amat law dik htum ai hpung ni Champions lu na re. Gawdin Poi ndai hpe byin tai lu wa hkra shakut nga ai Ah Brang WP Christian Charch Ramma Ningbaw tsun ai gaw " Ya ndai ginsup poi hta yaw shada ai lam gaw 1. Anhte Ramma ni shada da grau nna hku hkau makyit mahkai lu na matu. 2. Sum ai dang ai hpe madung nda ai sha tsawra myit hpe chye madun hkat nna langai hte langai mara chye raw hkat na. 3. Christian tsawra myit arawn alai hte kasi hpe madun hkat na. 4. Nam hpam malu masha hpe chye koi yen na hte hkamja lam lu wa na matu yaw shadawng shada na galaw ai ginsup poi rai nga ai."

Ndai ginsup poi gaw marai uhpung langai ngai hku nna woi galaw ai n re sha, yawng myit hkrum mangrum let jawm galaw ai gawdin ginsup poi rai nga ai, bai nna shaning shagu galaw lu na matu yaw shada tawn da ai lam ni nga ma ai hpe chye lu ai.

KACHINNET

Mungmau ginwang Jinghpaw Wunpawng Ramma lagawdin ginsup poi bai galaw na lam.

      Lahta Sam mungdaw, Mungmau ginwang Jinghpaw Wunpawng ramma ni a lagawdin ginsup poi hpe lai wa sai shaning (2003 ning , 9th December - 2004 ning ,10th January) lapran Namtau buga Namtau mare hta galaw lai wa sai. Dai ginsup poi hta Mungmau ginwang kata na Buga hpung (12) kaw na, ginsup hpung yawng (14) tup, wu wu di di shang lawm shingjawng lai wa sai re.
      “Hkristu ngu ai baw hte lam shagu hta kaba rawt wa na ga ai.” nga ai ga baw hpe lang let, lagawdin ginsup pa na ginsup mandat hte rau galaw sharawt da ai machya langchyi ntsa hta amyu sha dawnghkawn hpe mung sharawt rai nna, grai awngdang ai hku ginsup shingjawng lu sai re.       Final ginsup poi hta Namtau Buga (A) hte Bumsan (Manghang) Buga ni, agying agang shingjawng ai hta Bumsan ( Manghang) Buga ni 3 goal 2 goal hte (I) lang na Mungmau ginwang Ramma lagawdin ninggang pa hpe Bumsan (Manghang) Buga ni lu mat wa sai re. Ndai lagawdin ginsup poi a majaw, Mungmau ginwang kata na, amyu Wunpawng ramma ni shada hkuhkau kanawn mazum lam,makyit sumri mung grau ngangkang ai lam lu la sai hte maren, yawng mung marit nwai, tut e shingran, dum shai shajang nga sai re.
      Dai ning( 2004ning, 9th Decmber- 2005ning, 10th, January) lapran hta mung lai wa sai shaning na hte maren, (2) lang na Mungmau ginwang Jinghpaw Wunpawng Ramma ni a lagawdin ginsup poi hpe shawoi na hte maren bai galaw na re lam chye lu ai. Buga shagu na ginsup hpung ni ya kaw nna, tau hkrau hkyen lajang da saga. Namtau mare na lagawdin pa hte mandat sum na machya langchyi mung nang hpe ala nga ai .

Ram Padang

Geis gawdin hpung ni 7-1 hte Champions lu

August 21 ya shani hta Myitkyina Ginwang Ramma Dap kawn woi awn ai lanam gawdin poi a Ninggang kashun poi hpe galaw la ngut sai.. Geis (Mare Hpung) hte Manhkring Buga gawdin hpung ni Champions kashun ai rai nna, 7-1 hte Geis ni dang kau nhtawm dai ning na Champions lu la ai hpe chye lu ai.

Gawdin ginsup ai ladaw tup hta ningtawn ai hku ginsup lai wa ai ginsup ninghkrin ni hpe mung shagrau ma ai.
(1) Shawng lam kaja dik ninghkrin - Shatapru (Karing Ja Naw)
(2) Lapran lam kaja dik ninghkrin - Shatapru (Htingnan Zau Naw)
(3) Hpang lam kaja dik ninghkrin - Manhkring Buga na
(4) Ladaw tup hta Goal law dik - Geis (No. 17)
(5) Wuhpung nawng ginsup san seng shagrau kumhpa hpe gaw Emanuela Buga Gunsup Hpung ni hpe shagrau ma ai.

H. TH

See more pictures.

Myitkyina Ginwang Hkalup Ramma ni a Gawdin shingjawng poi .

Myitkyina Ginwang Hkalup Ramma ni a Gawdin shingjawng poi hta Semi-final du nga sai hpe chye lu ai. 2004 ning August (18) ya shani hta Shatapru hte Manghkring gawdin ninghkring ni a gawdin shingjawng poi gaw Manhkring ni Shatapru ni hpe Penalty hte dang lu ai. Minute 90 htum mat tim goal lahkawng hpra hte draw naw byin nga ai majaw minute 30 bai matut ginsup ma ai, rai tim lahkawng maga goal bai n lu jat ai majaw, hpang jahtum penalty htawng ra mat ai.
Dai ning na Gawdin poi ni hta gaw Quarter Final kawn Penalty hte hkrai jahtum ra mat ai lam hpe chye lu ai. Daina maga August (19) ya shani gaw Geis hte Emanuela ni htawng shingjawng na re, tinang ra sharawng ai gawdin ninghkring hpung ni hpe sa n gun jaw ga.

H. TH

Mai Ja Yang ni Jang Hkawng hpe gawdin dang.

Lai mat wa sai laban praw 15 ya shani hta Mai Ja Yang hte Jangkawng gawdin ginsup poi galaw lai wa sai. Ndai gawdin shingjawng poi hta Mai Ja Yang lahta tsang jawng kaw galaw ai re majaw, Mai Ja Yang gawdin ning hkring ni myit rawt n-gun kaba hte grai yu tsawm ai hkrang hku gasup nna Jang Hkawng ni hpe 1-0 hte dang lu ai. Ginsup hpang wa ai minute 30 rai yang Zawng Shawng Gawdin pa ka-ang kaw na htawng dat ai shaloi Jawnghkawng goalkeeper gaw rim hkyen ai kaw gawdin ga kaw shawng hkrat mat nhtaw goal kata de tat bang kau dai ai, de hpang lahkawng maga hpa n lu galaw hkat ai majaw, Mai Ja Yang ni Jawnghkawng gawdin hpung ni hpe 1-0 hte dang kau lu ai.

KACHINNET

See more pictures

Jang Hkawng hte Mai Ja Yang gawdin shingjawng poi galaw

      Miwa Gumsan Mungdan, Jang Hkawng Asuya hte Sinpraw Ginwang Ginjaw kaw na gawdin ginsup ninghkring kaba ni n dai bat praw 15 ya shani hta Mai Ja Yang mare, Mai Ja Yang lahta tsang jawng gawdin ginsup pa hta shingjawng hkyen nga ai, Ndai gawdin shingjawng a yaw shada ai lam gaw, shada da grau grau nna hku hkau wa na matu, grau grau nna myit hkrum mang rum wa na matu rai nga ai.
      Lai wa sai shanig hta gaw, Jawng Hkawng gawdin hpung ni Mai Ja Yawng Ninghtawn Rung ni hpe 7-0 hte dang kau ma ai. Rai tim dai ning na gawdin shingjawng poi hta gaw Sinprawgin Ginwang Ginjaw gawdin hpung ni hte rau re majaw Janghkawng ni aloi sha n dang lu na re, bai nna Manager kaba Ah Hkai hku na tsun yang “dai ning gaw moi ning na hte n bung mat sai, moi ning hkan gaw masha atsawm n lata na hkrup mara bang ai majaw dai ram ram sum mat ai re, n dai lang na gaw ya anhte Sinpraw Ginwang kaw byin dik htum ai ni hpe sha lata bang tawn da ai re majaw, ya na lang anhte na traning mung tsawmra laja ai hku rai nga ai majaw mung 5-1 dai ram hte dang na lam mu nga ai”
      Ndai gawdin shingjawng poi hta Sinpraw Ginwang Gin Jaw gawdin ninghkring ni dai ning aten galu hte shaman shakyang da ai lam ni nga ai majaw grai tsawm ai gawdin shingjawng poi rai na re, Yawng n gun jaw ga.

KACHINNET