Kasung Mare kaw manau poi sa manam ni du zup wa.

Knet 2010 February 22 ya

Myitkyina Ginwang (Masat 11 Dap Dung Ginra) Kasung Mare kaw February 23 ya shani kaw nna 26 ya shani du hkra Manau nau na re lam chye lu ai. Ndai manau hpe “Ninggawn Hting Ram Manau” ngu ai manau mying hte manau na rai nga ai.

Wunpawng Amyu Sha ni sha n-ga Wunpawng Mungdan e shanu nga ai Amyu baw sang, mungchying sha ni yawng gaw shada tsawra myit madun let mara raw hkat nna ngwi pyaw simsa lam hpe gaw gap sa wa na re ngu ai shawang myit hpe shadan shadawng, hkrang shapraw sa wa lu na matu yaw shada let galaw sa wa na re lam chye lu ai.

Dai hpawt hkying 9:00 am kawn buga shagu na manau poi sa manam ni du zup wa sai lam hpe chye lu ai. Shana maga hkying 4:00 pm aten hta K.I.O Tingyang Up Malai Lat Du Daju Jum Gauri Zau Seng hte K.I.O Salang ni, Shanglawt Amyu Shayi hpung ni mung poi wang de du wa ai rai nna dai ni du sa ai manam gaw 14000 jan rai sai hpe chye lu ai.

Jahpawt manap Amyu Sha dawnghkawn sharawt.

Buga shagu na manam ni du shang wa.

K.I.O. Tingyang Up Malai ni du wa.

K.I.O Madum Sumpyi Hpung.

Buga shagu na Hpunggyi ni.

Hpunau Lisu ni.

Hpunau Hkang amyu sha ni.

Hpunau Sam Htunghking hpung ni.

Wunpawng Htunghking Hpung Ginjaw kaw Bau hkap la.

Du Kaba Kumhtat Hting Nan kawn magun shatlit hkalum mungga shaga.

Nsin hta mung masha du dingyang.