Laiza Muklum hta BGF hte seng nna hparan dan ai Mung Shawa Zuphpawng galaw

Knet; 2010 ning April, 16 ya.

Laiza Muklum, Sinpraw Majoi Manau Gawknu hta dai hpawt hkying 10:00 Am aten SPDC asuya kaw na KIO hte SPDC ni a lapran hta BGF masing lam ni tsun bawngban ai sat lawat hparan dan ai hpawng hpe galaw ai lam chye lu ai.

Zuphpawng hta Ningtau Ninggawn Amu Madu Lat Du Up Jum Wawhkyung Sin Wa kawn zuphpawng hpu awn galaw ai hte Ninggawn Amu Madu Du Up Daju Lahkyen La Ja kawn BGF hte seng nna SPDC hte bawngban mat wa ai lam ni hpe  Mung Shawa Dap Shawa yawng hpe tsun sanglang mat wa ai.

Matut nna Tau Dap Awn Daju, Du Up Daju Sumlut Gun Maw kaw nna mung  BGF hte seng nna SPDC hte bawngban mat wa ai lam ni, hpa majaw NC hta shanglawm mat wa ai lam hte KIO kawn SPDC de tang madun mat wa sai lam ni tsun sanglang mat wa ai.

Ndai zuphpawng hta buga shagu na dat kasa ni hte magam dap makan dap shagu na myit su Du Salang ni yawng marai 2000 jan sa du shanglawm ai lam hpe chye lu ai.

Tau Dap Awn Daju kaw nna sanglang dan nga yang

du sa ai mung shawa, dap shawa ni

SPDC de tang madun mat wa ai laika ni hpe ndai zawn projector hte madun sanglang dan