(60) lang na KTC awng masat laika shagrau sha a hpawng kaba.

Knet:- 2010 ning, March (7) ya.

Rev. Maran Ja Gun hpe Doctor of Divinity shagrau nga yang.

2010 ning March shata praw (6) ya hkying 11:00 am aten KTC Nawng Nang, AD 2000 Masat Gawk Nu hta (60) lang na Jinghpaw Wunpawng Chyum Hkawlik Awng Masat Laika Shagrau Sha a nawku hpawng kaba galaw ai lam hpe chye lu ai.

Nawku Hpawng lamang ngut ai hpang 2009-2010 Jawng Lung shaning Awng Masat Laika shagrau ai hta  awng pru ai jawngma yawng marai (101) hpe shagarau ya ai, Jawng Awng pru ai (40) ning hpring shagrau lekmat hpe Rev. Jangmaw Bawk Mai kawn shagrau hkam la ai, Jawng Awng pru ai (25) ning hpring shagrau hkam la ai yawng marai (57) re hpe chye lu ai.

Ndai Jawngyu hpawng gaw KBC Ninghtan Hpung hpaw ai 100 ning hpring masat hku nna KTC kawn Rev. Maran Ja Gun hpe Doctorate lu da ai Sara marai (9) rawt tsap let Doctor of Divinity (D.D.) shagrau ya ai, (D.D.) masat ai lam hta Rev. Maran Ja Gun gaw 1. B.sc, B.R.E., M.Div.,M.A.,(Ling.) lu da ai, 2. Hkalup makam ngang grin ai, 3. K.T.C. Nawng Nawng hta magam gun ai (32) ning rai nna Rev. Maran Ja Gun gaw Amyu Sha lam yan hte Amyu Sha labau hpe sawk tang madun ai, shawa masha law law hpe tinang labau hta ngang kang ai myit masin rawng lu hkra woi awn zinlum ai wa re. Ndai Doctor of Divinity gaw shawng de KTC (75) ning hpring Lung Seng Jubili hta Dr. Lahtaw Gum Se hte Dr. Maji La Ja sha naw lu yu ai lam hpe chye lu ai.

Matut nna n- nga mat sai Sara Kaba N-Ngai Gam hpe KBC magam bungli hta 1963-1998 du hkra galaw gun hpai lai wa sai lam hpe shagrau ya ai hta Sara Jan Lahpai Nang Htang kawn malai shagrau hkam la ya ai.

March 28, 2010 ning hta K.B.C Hpung Shawa Zup Hpawng kaw Amyu Sha Lakung Kru Ga hte, magam gun marai (12) hpe shagrau sha a na re lam hpe mataut chye lu ai.  

Myitkyina Mare Hkalup Hpung Violin group.

M.Div Shagrau hkam la ai ni.

K.T.C. Choir Hpung ni.

Awng pru ai jawngma ni seng hkum mahkawn mangoi.

Rev. Maran Ja Gun hte Sara Jan.

Sara Jan Lahpai Nang Htang hpe Rev. N-Ngai gam a malai shagrau lekmat jaw ya.

Sara Kaba Dr. Saboi Jum.