61 Ning Hpring Jinghpaw Mungdaw Nhtoi Manau Poi
Knet; 13, January, 2009
61 Ning Hpring Jinghpaw Mungdaw Nhtoi Manau Poi hpe Jinghpaw Mungdaw Myitkyina mare,Sharapru Htunghking Manau wang hta January 5ya kawn January 11 ya du hkra wu wu di di rai ngut lai sai lam chyelu ai.
January 5 ya jahpawt 8:00 am hta 61 Ning Hpring Jinghpaw Mungdaw Nhtoi Masat Manau Poi hpaw poi ap nawng akyu hpyi ai lam hpe Myitkyina mare, Shatapru manau wang chyinghka kaba hta Hkristan Hpawng Chyawm Hpung (MCC) woi awn let galaw lai wa sai.
January 8 ya jahpawt 9:00 am hta Manau Naubaw hpaw poi lamang hpe Shatapru manau kata e galaw lai wa sai. Rev. Shaboi Jum kawn ap nawng a kyu hpyi lai sai. Dai hpang Manau Naubaw hpaw poi lai sumpan rep di let manau lamang hpe hpang wa sai lam chyelu ai.
January 10 ya jahpawt 8:15 am hta Jinghpaw Mungdaw Nhtoi Mung Shawa Hpawng hpe shatapru manau wang e galaw lai sai. Wunpawng Htunghking Hpung Ningbaw Duwa Mading Zung Ting kawn Mungdaw Nhtoi Mungga shaga lai sai. Dai hpang Jinghpaw Mungdaw Dap up Daju Du Kaba Soe Win kawn mungga shaga sai. Dai hpang Du kaba Thein Zaw kaw nna mungga shaga lai sai. Jinghpaw Mungdaw kata kaw shanu nga ai amyu bawsang ni hte Myitkyina Dakkasu J.L.H jawng ma ni kawn Jinghpaw Mungdaw hpe shagrau ai laklai ka hkarang hte ka manawt lai sai. Wunpawng Htunghking Hpung kaw nna woi awn let Myu sha ningbaw ningla ni, Htunghking Hpung shagu na ningbaw ningla ni Du salang ni, Bawsang shagu na marai (150) hte Dakkasu J.L.H jawngma marai (600) shanglawm let 61 Ning Hpring Mungdaw Nhtoi Manau poi kaba hpe nau hpang wa sai lam chye lu ai.
61 Ning Hpring Mungdaw Nhtoi Manau poi hta buga shara shagu na myu wunpawng sha ni, Gala mung , Miwa gumsan mungdan na chyurum wunpawng sha ni mung sa du ai lam na chye lu ai. Bai nna KIO, KIA Simsa lam hpung , NDAK Simsa lam hpung hte Lasang Awng Wa hpung ni mung n gun mi a lu sa du shang lawm ai lam chyelu ai.
61 Ning Hpring Mungdaw Nhtoi Manau poi lamang hta laili laika shingjawng ai lamang ni, mahkawn, yungwi, madum sumpyi hte ka hkrang shingjawng ai lamang ni, ginsup shingjawng poi lamang ni, gat dut poi lamang ni hte yungwi pinra lamang ni hte wu wu di di rai galaw ngut sai lam na chyelu ai.
Rev. Shaboi Jum kawn Manau Naubaw hpaw ap a kyu hpyi nga yang
Manau Naubaw Lai sumpan rep di nga yang
61 Ning Hpring Jinghpaw Mungdaw Nhtoi
Wunpawng Htunghking Hpung Ningbaw Duwa Mading Zung Ting kawn Mungdaw Nhtoi Mungga shaga nga yang
Dingdung daw, Dap up daju, Du Kaba Soe Win kaw nna Mungga shaga nga yang 
61 Ning Hpring Jinghpaw Mungdaw Nhtoi hta sa du ai Dingdung Daw dap up daju Du Kaba Soe Win hte Jinghpaw Wunpawng amyu sha Ningbaw Ningla ni
61 Ning Hpring Jinghpaw Mungdaw Nhtoi hta sa du ai buga shagu na chyu rum hpu nau ni
Myu Tsaw hpyen la ni mung sa du shang lawm
J.L.H jawng ma ni a Jinghpaw Mungdaw hpe shagrau ai ka hkrang
61 Ning Hpring Jinghpaw Mungdaw Nhtoi Manau
61 Ning Hpring Jinghpaw Mungdaw Nhtoi Manau
Hpu nau Hkang amyu sha ni mung aw ra ra .....
Myu Tsaw hpyen la ni mung aw ra ra ..
Mungdaw n htoi hta rau sha myit hkrum let aw ra ra....
Wunpawng Htunghking Hpung Ningbaw Duwa Mading Zung Ting mung aw ra ra....
Aw ra ra....Nau pa pa...
Aw ra ra....Nau pa pa...
Aw ra ra....Nau pa pa...
Aw ra ra....Nau pa pa...
61 Ning Hpring Mungdaw n htoi shana shat sha poi
60 ning hpring mungdaw manau shayi hte 61 ning hpring mungdaw manau shayi Gadu Seng Ja
61 Ning hpring Mung daw Gawng magam manau shadang Sum Du Mung Ban Photos by KNET.
|
