Wunpawng Amyu Sha ni a Mabyin, Sat Lawat Lam Bawngban Hpawng

Knet ; 22, August, 2008

Wunpawng Amyu Sha ni a Mabyin hte Sat lawat lam Bawngban Hpawng hpe N-htoi 22.8.08 ya shani Jahpawt Hkying 9:00 AM kaw nna, 24.8.08 ya shani ka-ang 2:30 PM tup du hkra Laiza Muklum Sinpraw Majoi Gawknu shara e hpawng la lu ai lam hpe chye lu ai.

Zuphpawng hta bawngban mat wa ai Gabaw ni -

Ya prat na kaba wa ai Ramma ni htenza lawm taw nga ai Ka-ni Namhpan lu sha hte seng nna, Ka-ni Namhpan pat jasan na hte seng nna, Mungkan hta chyam bra nga ai, Ramma ni hta law malawng byin hkrum hkra nga ai, Masha n-ging hka ai sha kap ai a-na, AIDS a na hte seng ai lam , Bai nna Ramma ni hte Num La kanawn mazum ai hte seng nna, Anhte Wunpawng myu sha ni yawng htenza nga ai arawng, akyang lai len, myit jasat hte seng nna Wunpawng amyu sha ni bawng ring wa na lam hte seng nna, Bai , Wunpawng amyu sha ni yawng a matu hkai lu hkai sha sut lu nga mai lam ni yawng hpe aja awa bawngban ai lam shiga hpe chye lu ai.

Ningbaw Kaba (Tingnyang Up) Zawng Hkra Hku nna, Shawng n-nan Hpawng hpaw Mungga htawn tsun nga

Ningbaw Malai ( I ) Du Kaba Gauri Zau Seng hku nna,Hpawng a yaw shada ai lam hte bawngban mat wa na rai nga ai Gabaw ni hpe tsun sang lang nga yang

Du Kaba Nban La Aung hku nna mung,shatsam mungga hpe htawn tsun shaga nga yang

Sara Kaba Saboi Jum hku nna mung, bawngban mat wa ai gabaw ni a ntsa e tsun sang lang nga yang

REV. La Myen hku nna mung, bawngban mat ai gabaw ni hte seng nna,tsun sang lang nga yang

NDA(K) Salang Kaba hku nna mung, bawngban tsun sang lang nga yang

Ginjaw Salang Kaba Dr.Tu Ja hku nna mung, tsun shaga bawngban lawm nga

KTC Jawng Up Sara Kaba Dr.Hkyen Naw hku nna mung, bawngban tsun sang lang lam nga

Ginjaw Salang Kaba Yijawng Hkawng Lum kaw nna mung, tsun sang lang bawngban lawm nga

Sut Du Kaba Yup Zau Hkawng hku nna mung, Wunpawng amyu sha ni yawng hkai lu hkaisha sut su nga mu nga mai wa na lam hte seng nna, bawngban lawm nga

WMR. Ningbaw Kaba Sarama Hkawn Lum hku nna mung, hpaji jaw tsun bawngban lawm nga

Amyu Shayi Ningbaw malai Shan Hting Hkawn Tawng hku nna mung, grai myit rawt ai hte bawngban mat wa ai gabaw ni hta lakap nna tsun bawngban nga yang