Dingdung Ginwang Ginjaw kata, Yu hte Nun a majaw nai mam hpyen zinli hkrum.

Knet; 2009 ning October 9 ya.

Dingdung Ginwang  Ginjaw ginra kata,  Num Raw  kawng Ginwang Daw,Hkrau Bum Ginwang  Daw, Putao Ginwang, Machyang Baw Ginwang Daw hte lak san Dagu Lum Ninghtawn ni hta August shata hte September shata laman nai mam hpyen Yu, Nun Kanu ni lak lai ai hku du pru sha jahten  kau ya ai hpe chye lu ai.

Ndai Yu hte Nun hpyen  gaw ten kadun laman Dindung Ginwang Ginjaw Ginra, Mali Hkrang Wa lawng hte Mali N-mai Wa Lawng kata na hkarang yi galaw sha nga ai mung shawa ni a mare 60 jan na nai mam hpe jahten kau ya sai, Grau laja lana  hkrum mat wa ai gaw Hkrang Hku, Hkindaw Ninghtawn kaw rai nga ai hpe chye lu ai.

Ndai nai mam zinli ni gaw kalang hkrat jang (3) ning shagup nna hkrum chye nga ai rai nna  aten kadun laman hta byin pru wa ai zinli langai mi re majaw makawp maga lu na matu yak nga ai hpe buga masha ni kawn chye lu ai.

Ndai zinli gaw a kajawng sha byin pru wa ai re majaw seng ang ai Magam Dap kaw nna garum madi  shadaw lu ai lam hpang hkrat mat ai. Htawm hpang de  tau hkrau makawp maga la lu na matu  prat dep hpungtang hpaji amyu myu hte ladat shaw galaw mat wa na re lam Ginjaw Hkai Rem hte Nam Maling Gawnhkang Makan Dap kawn chye lu ai.