Tanghpre Buga masha ni Karai Kasang kaw Akyu Hpyi nga

Knet: October 3, 2009
     
Mali-Nmai Zup, Tang Hpre mare lawu kaw Hka madim kaba (Dam)  galaw na matu China Power Investment Corporation hte Asia World company ni hkyen shajin lam galaw nga ai.

 Ndai hka  madim galaw ai a majaw mare kahtawng  47 ram htawt sit  ra na re hpe chye lu ai.    

Ndai zawn htawt sit ra ai hpe hkrit tsang ai sha n-ga hka hpyen hpe mung hkrit tsang ai majaw Tang Hpre mare buga masha ni  October 1 ya, jahpawt manap 6:00 am kaw nna October 3 ya, jahpawt manap 6:00am  du hkra ( 48 hours ) matut manoi kadai mung kade a nawku jawng hta Karai Kasang kaw akyu hpyi ai lam chye lu ai.
       
Ndai Hka Madim galaw  ai  a majaw byin pru wa na hkrit tsang lam ni hpe Tang Hpre Mare buga masha ni sha  n-ga Myitkyina mare buga mungchying shawa masha yawng mung hkrit tsang nga ma ai.

Mali hte Nmai hka mayan hta hka madim (Dam) shara 7  galaw na rai nna K.I.O hku nna mung ndai shara 7 a kata hta na Mali Nmai Zup lawu e galaw na hka madim kaba hpe dawm ya na matu, Mung Hpawm Myanmar mung dan Ningbaw  hpe tang hpyi shawn tawn da ai lam chye lu ai.

Dai hta n-ga Jinghpaw Mungdaw kata na myitsu du salang marai 12 sen htu ai laika hte mung Munghpawm Myanmar mungdan Ningbaw hpe hpyi shawn da ai lam chye lu ai. 

Jinghpaw Mungdaw Myitsu Du Salang marai 12 Munghpawm Myanmar Mungdan Ningbaw hpe hpyi shawn ai laika

 

KIO hku nna madim kaba hpe dawm ya na matu Munghpawm Myanmar Mungdan Ningbaw hpe tang hpyi shawn ai laika