Knet; 2009 ning October, 15 ya.
Ginjaw Hkamja Dap gaw, Laiza Muklum, Lawk (3) kaw 2009 ning October 12 ya shani Ma Kanu hte Ma Tsi Gawn Lajang Dap (Maternal and Child Health Centre) hpe Mung Shawa a matu yaw shada let hpaw masat ya sai rai nga ai.

Ma Kanu hte Ma Tsi Gawn Lajang Dap a yaw shada ai lam gaw;-

          (1) Ma Kanu hte Ma Kaji ni a hkamja lam hpe grau tang du ai hku tsi gawn lajang ya lu na matu

          (2) Ma hkum Kanu ni hpe, hkamja lam jep chyoi ya lu na matu

          (3) Yup tung jahpan hte rau, Ma hkum num jahpan ni hpe jaw teng ai hku hta shinggyin sa wa lu na matu

          (4) Tsi rung hte tsan ai majaw n lu sa ai yu maya ma hkum num ni hpe Ma shangai ya lu na matu

          (5) Ma hkum num ni hte ma kaji ni hpe, n-gun tsi jaw sha ai hta n-ga, kan shingtai jahkrat ya ai lam galaw ya lu na matu

          (6) Hkyak hkyak machyi ai ni hpe tsi lajang ya nna Tsi Rung de matut mahkai ya lu na matu

          (7) Ma makawp maga tsi ni htu shabra ya lu na matu

          (8) TBA ngu ai Mare lawk kata na tau shangai chyinghkai hpaw mi ni hte ta gindun nna, Ma shangai num ni hpe grau tang                du ai hku gawn lajang ya lu na matu re lam chye lu ai.

Ma Kanu hte Ma Tsi Gawn Lajang Dap hta magam gun masha, Tsi Saranum marai 3 hte tsi gawn lajang lam hpe hpang wa sai rai nna, Laiza Ginwang kata Ma hkum Kanu hte ma kaji ni a hkamja lam hte seng nna hpaji jaw ai lam, ta tut tsi gawn lajang ai lam ni hpe mung galaw sa mat wa na re lam chye lu ai.