Htunghking Rida Shapan Ginra Hpaw Poi

Knet; 2006 ning October 6 ya.

Wunpawng Mungdan Shanglawt Amyu Shayi Hpung (KIWA) a htunghking rida shapan ginra hpaw hpawng hpe Laiza Muklum hta dai ni 2009 ning October 6 ya shani galaw sai lam chye lu ai.

Jahpawt hkying 10:00 am aten hta Htung Hking Rida Shapan Ginra hpaw hpawng galaw nhtawm, Wunpawng Mungdan Shanglawt Hpung Ginjaw Komiti Tingyang Up Malai 1 Du Kaba Gauri Zau Seng kawn mungga jaw ai lam hpe chye lu ai.

“Ndai htunghking rida maka jawng gaw dai ni na prat hta Wunpawng Amyu sha ni, Wunpawng Ramma ni tinang a amyu rida maka hpaji hpe n chye wa, n-kung kyang wa ai majaw ya na zawn KIWA kawn lit la nna Wunpawng Amyu Sha ni a manu dan dik ai rida maka hpe n mat mat wa hkra hkang zing lu na matu hte Wunpawng ramma ni htunghking rida maka hpe manu shadan let chye galaw nna kan bau magam bungli shatai lu let Wunpawng amyu sha ni a rida maka hpe mungkan ting mying gumhkawng lu wa u ga” ngu K.I.O Ting Nyang Up Malai 1 kawn shatsam mungga jaw ya ai hpe chye lu ai.

Bai ndai Htunghking Rida Shapan ginra hpaw hpawng hta mare na Kanu Kawa ni hte Mgam Dap Makan Dap shagu na myitsu salang ni mung sa du kabu n-gun jaw ai lam hpe chye lu ai.

Ndai htunghking rida shapan jawng gaw Rida Maka hpaji sharin hkam la na jawng ma yawng marai 6, sharin Saranum 4, Rida Da Lang yawng 7 hte hpang wa sai hpe chye lu ai.

Htunghking Rida Shapan Ginra Hpaw Hpawng hta KIWA Ningbaw Kaba Hpawmi Hpaure Hkawn Ja kawn hkalum mungga shaga nga yang

Wa Jau Nbwi Naw kaw nna akyu hpyi shaman ya nga yang

Du Kaba Gauri Zau Seng kaw nna shatsam mungga shaga nga yang